ಸಾಂ ಸೆಬೆಸ್ತ್ಯಾಂವ್ ಫಿರ್ಗಜ್ ಪೆರ್ಮನ್ನೂರಾಂತ್,  ಕೊಂಕ್ಣಿ ಮಾನ್ಯತ ದಿವಸ್ ಅನಿಂ ಮೊಂತಿ ಫೆಸ್ತಾ ಸಂಧರ್ಬಿ ವೈ.ಸಿ.ಎಸ್. ಪೆರ್ಮನ್ನೂರ್ ಅನಿಂ ಸಾಮಾಜಿಕ್ ಸಂವಾಹನ್ ಆಯೊಗಚಾ ಮುಖೆಲ್ಪಣಾಕಾಲ್ ವಾಡ್ಯಾವಾರ್ ಕೊಂಕ್ಣಿ ಮರಿಯಾಳ್ ಗಿತಾಂ ಪಂಗಡ್ ಗಾಯಾನ್ ಸ್ಪರ್ಧೊ ಆಗಸ್ಟ್ 30 ತಾರಿಕೆರ್ ಸಾಂ ಸೆಬೆಸ್ತ್ಯಾಂವ್ ಪಿ.ಯು. ಕಾಲೆಜ್ ಸಭಾಸಲಾಂತ್ ಆಯೋಜನ್ ಕೆಲೊ. ಉಗ್ತಾವಣ್ ಕಾರ್ಯಾಂತ್ ಫಿರ್ಗಜ್ ವಿಗಾರ್ ಮಾ.ಬಾ.ಆಂಡ್ರ್ಯು ಲಿಯೊ ಡಿಸೋಜ ಹಾಣಿಂ ಅಧ್ಯಕ್ಷಪಣ್ ಘೆತ್ಲೆ. ವೆದಿಚೆರ್ ಮುಖೆಲ್ ಸಯ್ರೆ ‌ಜಾವ್ನ್ ಸ್ಫರ್ಧ್ಯಾಚೆ ವರಯ್ಣಾರ್  ಮಾ.ಬಾ. ರೊನಾಲ್ಡ್ ಸೆರಾವೊ, ಬ್ರಾ.ಪ್ರಿನ್ಸನ್ ಡಿಸೋಜ ಅನಿಂ ಶ್ರೀಮತಿ ಮರಿಯ ಅಮಿಕ ವಾಸ್ , ಸಹಾಯಕ್ ವಿಗಾರ್ ಮಾ. ಬಾ. ಮೆಲ್ವಿನ್ ಡಿಸೋಜ, ಫಿರ್ಗಜ್‌ ಗೊವ್ಳಿಕ್ ಮಂಡಳಿ ಉಪಾಧ್ಯಕ್ಷ್ ಶ್ರೀ ಅರುಣ್ ಡಿಸೋಜ, ಕಾರ್ಯದರ್ಶಿ ಶ್ರೀಮತಿ ಜ್ಯೋತಿ ಡಿಸೋಜ, 22 ಆಯೋಗ್ ಚೊ ಸಂಯೋಜನ್ ಡೊಲ್ಫಿ ಡಿಸೋಜ, ಸಾಮಾಜಿಕ್ ಸಂವಾಹನ್ ಆಯೊಗ್ ಸಂಚಾಲಕ್ ರುಡೋಲ್ಫ್ ಡಿಸೋಜ ಹಾಜಾರ್ ಅಸ್ಲೆಂ. ಜಮ್ಲೆಲ್ಯಾ ಸರ್ವಾಂಕ್ ಶ್ರೀ ಎಡ್ವರ್ಡ್ ಲೋಬೊನ್ ಸ್ವಾಗತ್ ಕರ್ನ್ ಕೊಂಕ್ಣಿ ಮಾನ್ಯತ ದಿವಸಚಿ ಮಹತ್ವ್ ಸಾಂಗ್ಲೆ. ಉಗ್ತಾವಣ್ ಕರ್ಯಾಂತ್ ಸಯ್ರಾಂನಿ ದಿವೊ ಪೆಟೊನ್ ಸ್ಪರ್ಧ್ಯಾಕ್ ಚಾಲನ್ ಕೆಲೆಂ. ಕೊಂಕ್ಣಿ ಮಾನ್ಯತ ದಿವಸ್ ಬಾವ್ಟೊ ಉಬಾರುನ್ ,ಧ್ಯೇಯ್ ಗೀತ್ ಗಾಯನ್ ಕರುನ್ ಕೊಂಕ್ಣಿ ಭಾಷೆಕ್ ಮಾನ್ ಕೆಲೊ. ವಿಗಾರ್ ಬಾಪಾನಿ ಸರ್ವ್ ಭಾಗ್ ಘೆತೆಲ್ಯಾ ಸ್ಪರ್ಧಿಕಾಂಕ್ ಬರೆಂ ಮಾಗ್ಲೆ. ಗಾಯಾನ್ ಸ್ಪರ್ಧ್ಯಾಂತ್ 39 ವಾಡ್ಯಾ ಪಯ್ಕಿ 20 ವಾಡ್ಯಾನಿಂ ಭಾಗ್ ಘೆತ್ಲೊ. ವಿಜೇತ್ ಜಾವ್ನ್ 

1)ಕೊಸೆಸ್ ವಾಡೊ

2)ಸಾಂ ಜುಜೆ ದುಸ್ರೊ ವಾಡೊ

3)ಸಾಂ ಪೆದ್ರು ವಾಡೊ

4) ಫಾತಿಮಾ ದುಸ್ರೊ ವಾಡೊ

5)ಬಾಳೊಕ್ ಜೆಜು ವಾಡೊ

ಮ್ಹಣ್ ವರಯ್ಣಾರಾನಿ ಘೋಷಿತ್ ಕೆಲೆಂ. ಭಾಗ್ ಘೆತ್ಲ್ಯಾ ಸರ್ವ್ ವಾಡ್ಯಾಗರಾಂಕ್ ಉಗ್ಡಾಸಾಚಿ ಕಾಣಿಕ್ ಅನಿಂ ವಿಜೇತಾಂಕ್ ಬಹುಮಾನ್ ಮಾ.ಬಾ. ಜಗದೀಶ್ ಪಿಂಟೋನ್ ದಿಲೆಂ. ಮಾ.ಬಾ. ಮೆಲ್ವಿನ್ ಡಿಸೋಜ ನ್ ಸಹಾಕಾರ್ ದಿಲ್ಯಾ ಸರ್ವಾಂಚೊ ಉಪ್ಕಾರ್ ಬಾವುಡ್ಲೊ.