SUMMER CAMP - 2025
ಸಾಂ ಸೆಬೆಸ್ತ್ಯಾಂವ್ ಫಿರ್ಗಜ್, ಪೆರ್ಮನ್ನೂರ್
ಚೊವ್ತಿಂ ಥಾವ್ನ್ ನವ್ಯಾ ಕ್ಲಾಸಿಚ್ಯಾ ಭುರ್ಗ್ಯಾಂಕ್ ರಜೆ ಶಿಬಿರ್ ಎಪ್ರಿಲ್ 1, 2, ಅನಿ 3 ವೆರ್ ಫಿರ್ಗಜೆಚ್ಯಾ ಆಡಿಟೋರಿಯಂ II ಚಲವ್ನ್ ವೆಲೆಂ. ವೆದಿ ಕಾರ್ಯಾಚೆ ಅಧ್ಯಕ್ಶ್ ಸ್ಥಾನ್ ಫಿರ್ಗಜ್ ವಿಗಾರ್ ಬೊ| ಮಾ| ಬಾಪ್ ಸಿಪ್ರಿಯನ್ ಪಿಂಟೊನ್‌ ಸೊಬೊಯ್ಲೆಂ. ಮಾ| ಬಾಪ್ ಸಂತೋಷ್ ಮಿನೇಜಸ್, ಸಹಯಕ್ ಯಾಜಕ್ ಮುಡಿಪು ಫಿರ್ಗಜ್ ಹಾಣಿಂ ಮಾಗ್ಣ್ಯಾಂ ವಿಧಿ ಚಲವ್ನ್ ವೆಲಿಂ. ವೆದಿಚೆರ್ ಬೆಥೆಲ್ ಕೊವೆಂತಾಚಿ ಸುಪೀರಿಯರ್ ಭಯ್ಣ್ ಜೊಸೆಪ್ ಮೇರಿ, ನಿರ್ಮಲ ಕೊವೆತಾಂಚಿ ಭಯ್ಣ್ ಮಂಗಳ ತಶೆಂಚ್ ಫಿರ್ಗಜ್ ಗೊವ್ಳಿಕ್ ಪರಿಷದ್ ಉಪಾಧ್ಯಕ್ಶ್ ಶ್ರೀ ಅರುಣ್ ಡಿಸೋಜ, ಕಾರ್ಯದರ್ಶಿ ಶ್ರೀಮತಿ ಜ್ಯೋತಿ ಡಿಸೋಜ ವೆದಿಚೆರ್ ಹಾಜರ್ ಆಸ್ಲಿಂ. ಸಂಪನ್ಮೂಲ್ ವ್ಯಕ್ತಿ ಜಾವ್ನ್ ಸುರ್ವಿಲ್ಲ್ಯಾ ದಿಸಾಂ ಮಾ| ಬಾಪ್ ರುಪೇಶ್ ಮಾಡ್ತಾ, ಮಾನೆಸ್ತ್ ಆಲ್ಬನ್ ರೊಡ್ರಿಗಸ್ , ಸಿಸ್ಟರ್ ಜ್ಯೋತಿಕಾ , ಶ್ರೀಮತಿ ಪ್ರಿಯಾ ಮೊಂತೇರೊ , ಮಾ| ಬಾಪ್ ಡಾ| ಪ್ರವೀಣ್‌ ಜೋಯ್ ಸಲ್ಡಾನಾ, ಮಾ| ಬಾಪ್ ಪ್ಲೆವಿಯಾನ್ ಲೋಬೊ, ಡಿವೈನ್ ಕಾಲ್ ಸೆಂಟರಾಚೊ ಯಾಜಕ್ ಮಾ| ಬಾಪ್ ಆನಿಲ್ ಫೆರ್ನಾಂಡಿಸ್‌, ಮಾ| ಬಾಪ್ ವಾಲ್ಟರ್ ಮೆಂಡೊನ್ಸಾ ಎಸ್.ವಿ.ಡಿ ಹಾಣಿಂ ಶಿಕೊವ್ಣ್ ದಿಲಿಂ. ಫಾದರ್ ಸಂತೋಶ್ ಹಾಣಿಂ ಭುರ್ಗ್ಯಾಂಕ್ ಖೆಳ್, ಡ್ಯಾನ್ಸ್, ಅಂಕ್ಯನ್ ಪದಾಂ ಮುಖಾಂತ್ರ್ ಮನೋರಂಜನ್ ಕೆಲೆಂ.
3 ದಿಸಾಂನಿ ರುಚಿಕ್ ಜೆವಾಣ್, ಖಾಣ್ ಅನಿ ಥಂಡ್ ಪೀವನ್ ಆಸೊನ್ 250 ಭುರ್ಗ್ಯಾಂನಿ ಹ್ಯಾ ಶಿಬಿರಾಂತ್ ವಾಂಟೊ ಘೆತ್ಲೊಂ.
