ಕ್ರೀಸ್ತಿ ಜಿಣ್ಯೆ ಸಮುದಾಯ್ (ಸಿ ಎಲ್ ಸಿ) ಪೆರ್ಮನ್ನೂರ್ 

ಸಾಂ. ಸೆಬೆಸ್ತ್ಯಾಂವ್ ಫಿರ್ಗಜ್ ಪೆರ್ಮನ್ನೂರ್

ಮಾಲ್ಘಡ್ಯಾಂಚೊ ದೀಸ್ ಆಚರಣ್

ಕ್ರೀಸ್ತಿ ಜಿಣ್ಯೆ ಸಮುದಾಯ್ (ಸಿ. ಎಲ್. ಸಿ) ಪೆರ್ಮನ್ನೂರ್ ಹಾಂಚಾ ಮುಖೆಲ್ಪಣಾಖಾಲ್ ಆಪ್ಲ್ಯಾ ಭಾಂಗ್ರಾಳ್ಯಾ ಉತ್ಸವಾಚಾ ಸಂದರ್ಭಾರ್ ತಾರೀಕ್ 30-03-2025 ವೆರ್ ಆಯ್ತಾರಾ ಸಾಂ ಸೆಬೆಸ್ತ್ಯಾಂವ್ ಪಯ್ಲ್ಯಾ ಸಭಾಸಾಲಾಂತ್ ಮಾಲ್ಘಡ್ಯಾಂಚೊ ದೀಸ್ ಭೋವ್ ಗದ್ದಾಳಾಯೆನ್ ಆಚರಣ್ ಕೆಲೊ.

    ಮಾಲ್ಘಡ್ಯಾಂಕ್ 10.00 ವೊರಾ ಥಾವ್ನ್ 10.45 ರ‍್ಯಾಂತ್ ಕುಮ್ಸಾರಾ  ಉಪ್ರಾಂತ್ 11.00 ವೊರಾರ್ ಕೊರ್ಡೆಲ್ ಫಿರ್ಗಜೆಚೊ ವಿಗಾರ್ ಭೋ| ಮಾ| ಬಾಪ್ ಕ್ಲಿಫರ್ಡ್ ಫೆರ್ನಾಂಡಿಸ್ ತಶೆಂಚ್ ಆಮ್ಚೊ ವಿಗಾರ್ ಭೋ| ಮಾ| ಬಾಪ್ ಸಿಪ್ರಿಯನ್ ಪಿಂಟೊ ಹಾಂಣಿ ಮಿಸಾಚೆ ಬಲಿದಾನ್ ಭೆಟೈಲೆ.

   ಉಪ್ರಾಂತ್ ಸಭಾಸಾಲಾಂತ್ ಆಸಾ ಕೆಲ್ಲ್ಯಾ ಕಾರ್ಯಕ್ರಮಾಚ್ಯಾ ಸುರ್ವೆರ್ ಸಿ ಎಲ್ ಸಿ ಅಧ್ಯಕ್ಷ್  ಜೊಸೆಫ್ ಡಿಸೋಜಾನ್ ಸರ್ವಾಂಕ್ ಸ್ವಾಗತ್ ಕೆಲೆಂ.  ವೆದಿಚೆರ್ ಆಮ್ಚೊ ವಿಗಾರ್ ತಸೆಂಚ್ ದಿರೆಕ್ತೊರ್  ಭೋ| ಮಾ| ಬಾಪ್ ಸಿಪ್ರಿಯನ್ ಪಿಂಟೊ, ಮುಖೆಲ್ ಸಯ್ರೊ ಭೋ| ಮಾ| ಬಾಪ್ ಕ್ಲಿಫರ್ಡ್ ಫೆರ್ನಾಂಡಿಸ್ , ಸಹಾಯಕ್ ವಿಗಾರ್ ಬಾಪ್ ಜೊನ್ಸನ್ ಪಿರೇರಾ, ಫಿರ್ಗಜ್ ಉಪಾಧ್ಯಕ್ಷ್ ಶ್ರೀ ಅರುಣ್ ಡಿಸೋಜ, ಕಾರ‍್ಯದರ್ಶಿ ಶ್ರೀಮತಿ ಜ್ಯೋತಿ ಡಿಸೋಜ,  ಜುಬ್ಲೆವ್ ಸಂಚಾಲಕ್     ಶ್ರೀ ಮೆಲ್ವಿನ್ ಸಿ. ಡಿಸೋಜ ವೆದಿಚೆರ್ ಹಾಜರ್ ಆಸ್‌ಲ್ಲೆಂ. 

     ಮಾನಾಧಿಕ್ ಬಾಪ್ ಕ್ಲಿಫರ್ಡ್ ಫೆರ್ನಾಂಡಿಸ್ ಬಾಪಾಂಕ್ ಫಿರ್ಗಜ್ ವಿಗಾರ್ ಬಾಪಾಂನಿ ಫುಲಾಂ ತುರೊ ದೀವ್ನ್ ಸ್ವಾಗತ್ ಕೆಲೊ. ಶಿಕೊಣ್ದಾರ್ ಬಾಪ್ ಕ್ಲಿಫರ್ಡ್ ಹಾಂಣಿ ಮಾಲ್ಘಡ್ಯಾಂಕ್ ಉತ್ತೀಮ್ ಶಿಕೊವ್ಣ್ ದೀವ್ನ್ ಸರ್ವ್ ಮಾಲ್ಘಡ್ಯಾಂಕ್ ಉತ್ತೇಜನ್ ದೀವ್ನ್ ಉತರ್ ಪ್ರಾಯೆರ್ ಕಶೆಂ ಜಿಯೆಂವ್ಚೆ ವಿಶಿಂ ಹೊಗ್ಳಿಕೆಕ್ ಫಾವೊ ಜಾಲ್ಲಿ ಮಾಹೆತ್ ದಿಲಿ. ಉಪ್ರಾಂತ್ ಶ್ರೀ ಪ್ರವೀಣ್ ಡಿಸೋಜಾನ್ ಲಿಖ್‌ಲ್ಲೊ ‘ಘರಾ ಭಿರ‍್ಲೊ ಸೈತಾನ್’ ಮ್ಹಳ್ಳೊ ಹಾಸ್ಯ್ ನಾಟ್ಕುಳೊ ಖೆಳೊನ್ ಜಾತಾಚ್ಚ್  ಸರ್ವಾಂಕ್ ರುಚಿಕ್ ಜೆವಣ್ ಆಸ್‌ಲ್ಲೆ.

   ಹ್ಯಾ ವೆಳಾರ್ ಥೊಡ್ಯಾಂನಿ ಹ್ಯಾ ಕಾರ‍್ಯಕ್ರಮಾವಿಶಿ ತಾಂಚಿ ಭೊಗ್ಣಾಂ ಉಚರ‍್ಲಿ.  ಜೆವ್ಣಾ ಉಪ್ರಾಂತ್ ಮಾಲ್ಘಡ್ಯಾಂಕ್ ಖೆಳ್ ಆಸಾ ಕರುನ್ ವಿಜೇತಾಂಕ್ ಇನಾಮಾ ವಾಂಟ್ಲಿ. ಉಗ್ಡಾಸಾಚಿ ಕಾಣಿಕ್ ಜಾವ್ನ್ ಕೊಂತಾ ವಿತರಣ್ ಕೆಲೆ. ನಿಮಾಣೆ ಗಿತಾ ಸವೆಂ ಕಾರ‍್ಯೆ ಅಖೆರ್ ಕೆಲೆಂ. 

ಕಾರ್ಯಾಕ್ರಮಚೆ ನಿರ್ವಾಹನ್ ಶ್ರೀ ಹೆರಾಲ್ದ್ ಸೆರಾನ್ ಕೆಲೆಂ ಆನಿ ಖೆಳ್ ಶ್ರೀ ರಾಯನ್ ಡಿಸೋಜ ಚಲವ್ನ್ ವೆಲೆಂ.

ಹ್ಯಾ ಕರ‍್ಯಾಕ್ ಲಗ್ಭಗ್ 500 ಮಾಲ್ಘಡೆ ಹಾಜರ್ ಆಸ್‌ಲ್ಲೆಂ.