ಸಾಂ ಸೆಬೆಸ್ತ್ಯಾಂವ್ ಫಿರ್ಗಜ್, ಪೆರ್ಮನ್ನೂರ್.
ಮೊಂತಿ ಫೆಸ್ತಾಚೆ ಅಚರಣ್ - 2026
ಸೆಪ್ಟೆಂಬರ್ 8 ವೆರ್ ಪೆರ್ಮನ್ನೂರಾಂತ್ ಮರಿಯೆ ಮಾಯೆಚೆ ಜಲ್ಮಾಚೆ ಫೆಸ್ತ್ ಸಾಂ ಸೆಬೆಸ್ತ್ಯಾಂವ್ ಪಿ.ಯು ಕಾಲೇಜ್ ಅಗ್ಣಾಂತ್ ಕಣ್ಶಿ ಬೆಜಾಂರ್ ಕರುನ್ ಅರಂಭ್ ಕೆಲೆ. ಉಪ್ರಾಂತ್ ಬೆಂಡಾ ನಾದಾರ್, ಫುಲಾ ಉಡೊವ್ನ್, ಭಕ್ತಿಪಣಾನ್ ಪುರ್ಶಾಂವಾರ್ ಮೊಂತಿ ಸಾಯ್ಬಿಣಿಕ್ ಮಾನ್ ಕೆಲೊ. ಪವಿತ್ರ್ ಮಿಸಾಚೆಂ ಬಲಿದಾನ್ ವಿಗಾರ್ ಭೊ|ಮಾ|ಬಾಪ್ ಅ್ಯಂಡ್ರು ಲಿಯೋ ಡಿ ಸೋಜ ಹಾಣಿ ಪ್ರಧಾನ್ ಯಾಜಕ್ ಜಾವ್ನ್ ಭೆಟೆಯ್ಲೆ, ಮಾ|ಬಾಪ್ ಜಗದೀಶ್ ಪಿಂಟೊ ಹಾಣಿ ದೆವಾಚ್ಯಾ ಉತ್ರಾಚೆರ್ ನಿಯಾಳ್ ದೀವ್ನ್ ಫೆಸ್ತಾಚೊ ಅರ್ಥ್ ಕುಟ್ಮಾಚೊ ಮಹತ್ವ್ ವಿವರ್ಸಿಲೊ. ಸಹಯಾಕ್ ವಿಗಾರ್ ಮಾ|ಬಾಪ್ ಮೆಲ್ವಿನ್ ಡಿ ಸೋಜ ಅನಿ ಮಾ|ಬಾಪ್ ವಲೇರಿಯನ್ ಪಿಂಟೊ ಬಾಪಾಂನಿ ಸಹ ಭೆಟವ್ಣಿ ಕೆಲಿಂ. ಮಿಸಾ ವೆಳಾರ್ ಚೆಡ್ವಾ ಭುರ್ಗ್ಯಾಂಕ್ ವೆದಿ ಸೆವೆಕಾಂಚ್ಯಾ ಮೆಳಾಂತ್ ಸ್ವೀಕಾರ್ ಕರ್ಚಿ ರೀತ್ ಚಲೊವ್ನ್ ವೆಲಿ. 20 ಚೆಡ್ವಾ ಭುರ್ಗ್ಯಾನಿಂ ಹ್ಯಾ ಫೆಸ್ತಾ ದಿಸಾ ಆನಿ ಚಲಿ ಭುರ್ಗ್ಯಾಂಚಾ ದಿಸಾ ವೆದಿ ಸೆವಾ ಕರಂಕ್ ಖುಶಿ ಮನ್ ದಾಕಾಯ್ಲೆ.
ಮಿಸಾಂ ಉಪ್ರಾಂತ್ ಮಾ|ಬಾಪ್ ವಲೇರಿಯನ್ ಪಿಂಟೊ ಬಾಪಾಂನಿ ತಯಾರ್ ಕೆಲ್ಲೊ ಮಾಗ್ಣ್ಯಾಚೊ ಪುಸ್ತಕ್ “ಕುರ್ಪೆಂ ಶಿವರ್” ಭೊ|ಮಾ|ಬಾಪ್ ಅ್ಯಂಡ್ರು ಲಿಯೋ ಡಿ ಸೋಜ ಹಾಜರ್ ಆಸ್ ಲ್ಯಾ ಯಾಜಕಾ ಸಾಂಗಾತಾ, ಫಿರ್ಗಜ್ ಗೊವ್ಳಿಕ್ ಪರಿಷದೆಚೊ ಉಪಾಧ್ಯಕ್ಶ್ ಅರುಣ್ ಡಿ ಸೋಜ ಕಾರ್ಯದರ್ಶಿ ಜ್ಯೋತಿ ಡಿ ಸೋಜ, ಆಯೋಗ್ ಸಂಚಾಲಕ್ ಡೊಲ್ಪಿ ಡಿಸೋಜ ಹಾಂಚ್ಯಾ ಹಾಜರ್ಪಣಾಂತ್ ಪುಸ್ತಕ್ ಮೊಕ್ಳಿಕ್ ಕೆಲೊಂ. ಉಪ್ರಾಂತ್ ಮುಡ್ದೊಮ್ ಅನಿ ದಾನ್ ದಿಲ್ಲ್ಯಾಂಕ್ ವಾತಿ ದೀವ್ನ್ ಮಾನ್ ಕೆಲೊಂ. ಸರ್ವ್ ಫಿರ್ಗಜ್ ಗಾರಾಂ ವೊರ್ನಾಂ ಸಾಂಗಾತಾ ನವೆಂ ಸೆವುನ್ ಫಿರ್ಗಜ್ಗಾರಾ ಫಿರ್ಗಜ್ ಮ್ಹಳ್ಳ್ಯಾ ಕುಟ್ಮಾಚೆ ಸಾಂದೆ ಮ್ಹಣ್ ಮಾನುನ್ ಘೆತ್ಲೆ. ಸರ್ವಾಂನಿ ಕೊಬು ಅನಿ ಹೋಳಿಗೆ ಸೆವುನ್ ಫೆಸ್ತಾಚಿ ಗೊಡ್ಸಾನ್ ಚಾಕ್ಲಿ. ಹ್ಯಾ ಕಾರ್ಯಾಕ್ 2500 ಲೋಕ್ ಹಾಜರ್ ಆಸ್ಲೊಂ.
