Women's Forum

ಕಥೊಲಿಕ್ ಸ್ತ್ರಿಯಾಂಚಿ ಮಂಡಳಿ ಪೆರ್ಮನ್ನೂರ್ 

      ಸಾಂ ಸೆಬೆಸ್ತ್ಯಾಂವ್ ಫಿರ್ಗಜ್ ಪೆರ್ಮನ್ನೂರ್ ಕಥೊಲಿಕ್ ಸ್ತ್ರಿಯಾಂಚಿ ಮಂಡಳಿ ರುಪ್ಯೋತ್ಸವ್ ಸಂದರ್ಭಿ ಮಾಂಡುನ್ ಹಾಡ್‍ಲ್ಲ್ಯಾ ವೊವಿಯಾಂಚೊ ಸ್ಪರ್ಧೊ ನವೆಂಬರ್ 3 ವೆರ್ ಸಾಂ ಸೆಬೆಸ್ತ್ಯಾಂವ್ ಸಭಾಸಾಲಾಂತ್ ಚಲ್ಲೊ. ವೆದಿ ಕಾರ್ಯೆಂ ಪ್ರಾರ್ಥನ್ ಗಿತಾಂ ಸವೆಂ ಆರಂಭ್ ಕೆಲೆ. ವೆದಿರ್ ಆಸ್ಲ್ಯಾ ಮಾನಾಚಾ ಸೈರ್ಯಾಂಕ್ ಅಧ್ಯಕ್ಷಿಣ್ ಶ್ರೀಮತಿ ಪ್ರಮೀಳಾ ಡಿಸೋಜಾನ್ ಸ್ವಾಗತ್ ಕೆಲೊ. ಕಾರ್ಯಾಚೆ ಅಧ್ಯಕ್ಷ್ ಸ್ಥಾನ್ ಸಾಂ ಜುಜೆ ವಾಜ್ ವಾರಾಡ್ಯಾಚೊ ವಿಗಾರ್‍ವಾರ್ , ಆಮ್ಚೊ ವಿಗಾರ್ , ಕಥೊಲಿಕ್ ಸ್ತ್ರೀ ಮಂಡಳಿಚೆ ಆತ್ಮಿಕ್ ನಿರ್ದೇಶಕ್ ಭೋ | ಮಾ | ಬಾಪ್ ಸಿಪ್ರಿಯನ್ ಪಿಂಟೊ ಹಾಂಣಿ ಪಾನ್ ಪೊಡ್ ಉದ್ಕಾ ಸವೆಂ ಕಾರ್ಯಾಚೆ ಉಗ್ತಾವಣ್ ಕೆಲೆಂ. ಸಚೇತಕಿ ಬೆಥನಿ ಕೊವೆಂತಾಚಿ ವ್ಹಡಿಲ್ನ್ ಸಿಸ್ಟರ್ ಜೋಸೆಫ್ ಮೇರಿ , ಫಿರ್ಗಜ್ ಗೊವ್ಳಿಕ್ ಪರಿಷದ್ ಉಪಾಧ್ಯಕ್ಷ್ ಶ್ರೀ ಅರುಣ್ ಡಿಸೋಜ ಆನಿ ಕಾರ್ಯದರ್ಶಿ ಶ್ರೀಮತಿ ಜ್ಯೋತಿ ಡಿಸೋಜ , 21 ಆಯೋಗಾಚೊ ಸಂಯೋಜಕ್ ಮಾನೆಸ್ತ್ ಡೊಲ್ಫಿ ಡಿಸೋಜ , ವರಯ್ಣಾರ್ ಜಾವ್ನ್ ಮಾನೆಸ್ತ್ ಮನು ಬಂಟ್ವಾಳ್, ಮಾನೆಸ್ತ್ ಜೋಸೆಫ್ ಪಿಂಟೊ ಅಂಜೆಲೊರ್, ಮಾನೆಸ್ತ್ ಫ್ಲೋಯ್ಡ್ ಡಿಮೆಲ್ಲೊ ಕಾಸ್ಸಿಯಾ , ವೆದಿಚೆರ್ ಆಸ್‍ಲ್ಲೆ. 

ವೊವ್ಯಾ ಸ್ಪಧ್ರ್ಯಾಂತ್ 13 ವಾಡ್ಯಾಗಾರಾಂನಿ ಭಾಗ್ ಘೆತ್ಲೊ. ಹ್ಯಾ 13 ವಾಡ್ಯಾಗಾರಾ ಪಯ್ಕಿಂ   ಬೆಸ್ಟ್ ಆಫ್ 5 ವಾಡ್ಯಾಗಾರಾಂಕ್ ಬಹುಮಾನ್ ಲಾಭ್ಲೆ. ಬೆಸ್ಟ್ ಆಫ್ 5 ವಾಡ್ಯಾಗಾರಾಂಚಿ ನಾಂವಾಂ ಆಮ್ಚೊ ಸಹಾಯಕ್ ವಿಗಾರ್ ಬಾಪ್ ಜೊನ್ಸನ್ ಡೆನ್ಝಿಲ್ ಪಿರೇರಾ ಹಾಣಿಂ ವಾಚುನ್ ಸಾಂಗ್ಲಿ. 

ಬೆಸ್ಟ್ ಆಫ್ 5 ವಾಡ್ಯಾಂಚಿ ನಾಂವಾಂ ಹ್ಯಾ ಪರಿ ಆಸಾತ್ , ನಿತ್ಯಾಧಾರ್ ಪಯ್ಲೊ , ಫಾತಿಮಾ ,ಫಾತಿಮಾ ಪಯ್ಲೊ , ಸಾಂ ಪೆದ್ರು , ಮಿನಿನ್ ಜೆಜು ವಾಡೊ. 

ಹ್ಯಾ ಕಾರ್ಯಾಕ್ ಲಗ್ಭಗ್ 350 ಜಣ್ ಹಾಜರ್ ಆಸ್‍ಲ್ಲೊ.  ಕಾರ್ಯದರ್ಶಿ ಶ್ರೀಮತಿ ಜ್ಯೋತಿ ಡಿಸೋಜಾನ್ ಧನ್ಯವಾದ್ ಪಾಟವ್ನ್ , ಹ್ಯಾ ಕಾರ್ಯಾಚೆ ಕಾರ್ಯೆ ನಿರ್ವಹಣ್ ಶ್ರೀಮತಿ ಜೆಸಿಂತ ವೇಗಸ್ ಆನಿ ಶ್ರೀಮತಿ ಲೀನಾ ಡೆಸಾ ಹಾಣಿಂ ಕೆಲೆಂ . ಹಾಜರ್ ಜಾಲ್ಲ್ಯಾ ಸರ್ವಾಂಕ್ ವಿಗಾರ್ ಬಾಪಾಂನಿ ಐಸ್ಕ್ರೀಂ ದೀವ್ನ್ , ನಿಮಾಣೆಂ ಲಾವ್ದಾತೆ ಗೀತ್ ಗಾವ್ನ್ ಕಾರ್ಯೆಂ ಅಖೇರ್ ಕೆಲೆಂ.