C.L.C

ಕ್ರೀಸ್ತಿ  ಜಿಣಿಯೆ ಸಮುದಾಯ್ (ಸಿ ಎಲ್ ಸಿ) ಪೆರ್ಮನ್ನೂರು

     ತಾರೀಕ್ 10-11-2024 ವೆರ್ ಆಯ್ತಾರಾ ಸಕಾಳಿಂಚಾ 9.00 ವರಾರ್ ಲಗೋರಿ ಪಂದ್ಯಾಟ್ – 2024 ಉಗ್ತಾವಣ್ ಪೆರ್ಮನ್ನೂರ್ ಫಿರ್ಗಜೆಚೊ ವಿಗಾರ್ ತಶೆಂಚ್ ಮಂಗ್ಳೂರ್ ದಕ್ಷಿಣ್ ವಾರ್ಯಾಡ್ಯಾಚೊ ವಿಗಾರ್‍ವಾರ್ ಭೊ | ಮಾ | ಸಿಪ್ರಿಯನ್ ಪಿಂಟೊ ಬಾಪಾಂನಿ ಕೆಲೆ. ವೆದಿಚೆರ್ ಮುಖೆಲ್ ಸಯ್ರೆ ಜಾವ್ನ್ ಪೆರ್ಮನ್ನೂರ್ ಫಿರ್ಗಜಿಚೆ ಸಹಾಯಕ್ ವಿಗಾರ್ ಮಾ | ಬಾಪ್ ಜೊನ್ಸನ್ ಡೆನ್ಝಿಲ್ ಪಿರೇರಾ ಹಾಜರ್ ಆಸ್‍ಲ್ಲೆ. ಸಯ್ರೆಂ ಜಾವ್ನ್ ಪೆರ್ಮನ್ನೂರ್ ಫಿರ್ಗಜ್ ಗೊವ್ಳಿಕ್ ಪರಿಷದೆಚೊ ಉಪಾಧ್ಯಕ್ಷ್ ಶ್ರೀ ಅರುಣ್ ಡಿಸೋಜ , ಕಾರ್ಯದರ್ಶಿ ಜ್ಯೋತಿ ಡಿಸೋಜ , 21 ಆಯೋಗಾಚೊ ಸಂಯೋಜಕ್ ಶ್ರೀ ಡೊಲ್ಫಿ ಡಿಸೋಜ ಹಾಂಚೆ ಬರಾಬರ್ ಸಿ ಎಲ್ ಸಿ ಸಮುದಾಯೆಚೊ ಅಧ್ಯಕ್ಷ್ ಶ್ರೀ ಜೋಸೆಫ್ ಡಿಸೋಜ , ಕಾರ್ಯದರ್ಶಿ ಶ್ರೀ ಚಾಲ್ರ್ಸ್ ಡಿಲೀಮ , ಖೆಳಾ ಮುಕೆಲಿ  ಶ್ರೀ ರೈಮಂಡ್ ಡಿಸೋಜ ಹಾಜರ್ ಆಸ್‍ಲ್ಲೆ.

 ಸುರ್ವೆರ್ ಶ್ರೀಮತಿ ಜ್ಯೋತಿ ಡಿಸೋಜ , ಸ್ವೀಡಲ್ ಡಿಸೋಜ ಆನಿ ರೀಶಲ್ ಡಿಸೋಜ ಹಾಣಿ ಮಾಗ್ಣ್ಯಾ ವಿಧಿ ಚಲಯ್ಲಿ. ಸಮುದಾಯೆಚೊ ತಶೆಂಚ್ ಕಾರ್ಯಕ್ರಮಾಚೊ ಅಧ್ಯಕ್ಷ್ ಶ್ರೀ ಜೋಸೆಫ್ ಡಿಸೋಜಾನ್ ಸರ್ವಾಂಕ್ ಸ್ವಾಗತ್ ಕೆಲೆಂ. ಫಿರ್ಗಜ್ ವಿಗಾರ್ ಭೊ| ಮಾ| ಸಿಪ್ರಿಯನ್ ಪಿಂಟೊ ಬಾಪಾಂನಿ ದಿವೊ ಪೆಟೊನ್ ಪಂದ್ಯಾಟಾಚೆ ಉದ್ಘಾಟನ್ ಕರ್ನ್ ಪಾಟ್ಲ್ಯಾ 50 ವರ್ಸಾಂ ಥಾವ್ನ್ ಎಕ್ವಟಾನ್ ಜಿವಾಳ್ ಆಸ್ಚೊ ಹೊ ಸಮುದಾಯ್ ಆತಾಂ ವಾಡ್ಯಾ ಹಂತಾರ್ ಆನಿ ಫಿರ್ಗಜೆಂತ್ ಎಕ್ವಟ್ ಹಾಡ್ಚ್ಯಾಕ್ ಆಸಾ ಕರ್ಚೊ ಹೊ ಪಂದ್ಯಾಟ್ ಯಶಸ್ವಿ ಜಾಂವ್ದಿ ಮ್ಹಣ್ ಬರೆಂ ಮಾಗ್ಲೆಂ ಆನಿ ಫಿರ್ಗಜ್ ಗೊವ್ಳಿಕ್ ಪರಿಷದೆಚೊ ಉಪಾಧ್ಯಕ್ಷ್  ಶ್ರೀ ಅರುಣ್ ಡಿಸೋಜ ಹಾಣಿ ಆಪ್ಲೊ ಸಂದೇಶ್ ದೀವ್ನ್ ಕಾರ್ಯಕ್ರಮಾಕ್ ಬರೆಂ ಮಾಗ್ಲೆ. ಉಪ್ರಾಂತ್  ವಿಗಾರ್ ಆನಿ ಸರ್ವ್ ಸಯ್ರ್ಯಾಂನಿ ಮೈದಾನಾರ್ ಲಗೋರಿಕ್  ಬಾಲ್ ಮಾರ್ನ್ ಪಂದ್ಯಾಟಾಚಿ ಸುರ್ವಾತ್ ಕೆಲಿ. ಹೆಂ ಸಗ್ಳೆ ಕಾರ್ಯಕ್ರಮ್ ಸಮುದಾಯೆಚೊ ಸಾಂದೊ ಶ್ರೀ ಹೆರಾಲ್ಡ್ ಸೆರಾನ್ ನಿರ್ವಹಣ್ ಕೆಲೆಂ.

          ಲಗೋರಿ ಪಂದ್ಯಾಟ್ ದಾದ್ಲ್ಯಾಂಚಾ ವಿಭಾಗಾಂತ್ 19 ಪಂಗಡ್ ಆನಿ ಸ್ತ್ರಿಯಾಂಚಾ ವಿಭಾಗಾಂತ್ 13 ಪಂಗ್ಡಾಂನಿ ಭಾಗ್ ಘೆತ್ಲೊ.  ದಾದ್ಲ್ಯಾಂಚಾ ವಿಭಾಗಾಂತ್ ಪಯ್ಲೆಂ ಸ್ಥಾನ್  ಭಲಾಯ್ಕಿ ಮಾಯ್ ವಾಡೊ , ದುಸ್ರೆ  ಸ್ಥಾನ್  ಫಾತಿಮಾ ದುಸ್ರೊ ವಾಡೊ , ತಿಸ್ರೆ ಸ್ಥಾನ್ ಸಾಂ ತೆರೆಜ್ ವಾಡೊ ಆನಿ ಲೂದ್ರ್ಸ್ ವಾಡೊ , ತಶೆಂಚ್ ಶಿಸ್ತೆಚೊ ಪಂಗಡ್ ಜಾವ್ನ್ ನಿತ್ಯಾಧಾರ್ ಪಯ್ಲೊ ವಾಡೊ ವಿಂಚುನ್ ಆಯ್ಲಾ.

   ಸ್ತ್ರಿಯಾಂಚಾ ವಿಭಾಗಾಂತ್ ಪಯ್ಲೆಂ ಸ್ಥಾನ್ ಫಾತಿಮಾ ದುಸ್ರೊ ವಾಡೊ , ದುಸ್ರೆಂ ಸ್ಥಾನ್ ಸಾಂ ಮಿಂಗೆಲ್ ದುಸ್ರೊ ವಾಡೊ , ತಿಸ್ರೆ ಸ್ಥಾನ್ ಪವಿತ್ರ್ ಕಾಳ್ಜಾ ವಾಡೊ ಆನಿ ಫಾತಿಮಾ ಪಯ್ಲೊ ವಾಡೊ , ತಶೆಂಚ್ ಶಿಸ್ತೆಚೊ ಪಂಗಡ್ ಜಾವ್ನ್  ಭಲಾಯ್ಕಿ ಮಾಯ್ ವಾಡೊ ವಿಂಚುನ್ ಆಯ್ಲಾ.

      ಸಾಂಜೆರ್ 5.00 ವರಾರ್ ಮಾಂಡುನ್ ಹಾಡ್ಲ್ಯಾ ಸಮಾರೋಪ್ ಕಾರ್ಯಾಚೆ ಅಧ್ಯಕ್ಷ್ ಸ್ಥಾನ್ ಸಮುದಾಯೆಚೊ ದಿರೆಕ್ತೊರ್ , ಆಮ್ಚೊ ವಿಗಾರ್ , ಮಂಗ್ಳುರ್ ದಕ್ಷಿಣ್ ವಾರ್ಯಾಡಾಚೊ ವಿಗಾರ್‍ವಾರ್ ಭೊ| ಮಾ| ಬಾಪ್ ಸಿಪ್ರಿಯನ್ ಪಿಂಟೊ , ಮುಖೆಲ್ ಸಯ್ರೊ ಜಾವ್ನ್ ಪೆರ್ಮನ್ನೂರ್ ಫಿರ್ಗಜೆಚೊ ಸಹಾಯಕ್ ವಿಗಾರ್ ಮಾ| ಬಾಪ್ ಜೊನ್ಸನ್ ಡೆನ್ಝಿಲ್ ಪಿರೇರಾ , ತಶೆಂಚ್ ಫಿರ್ಗಜ್ ಗೊವ್ಳಿಕ್ ಪರಿಷದೆಚೊ ಉಪಾಧ್ಯಕ್ಷ್  ಶ್ರೀ ಅರುಣ್ ಡಿಸೋಜ , ಕಾರ್ಯದರ್ಶಿ ಜ್ಯೋತಿ ಡಿಸೋಜ , 21 ಆಯೋಗಾಚೊ ಸಂಯೋಜಕ್ ಶ್ರೀ ಡೊಲ್ಫಿ ಡಿಸೋಜ ಹಾಂಚೆ ಬರಾಬರ್ ಸಿ ಎಲ್ ಸಿ ಸಮುದಾಯೆಚೊ ಅಧ್ಯಕ್ಷ್ ಶ್ರೀ ಜೋಸೆಫ್ ಡಿಸೋಜ , ಕಾರ್ಯದರ್ಶಿ ಶ್ರೀ ಚಾಲ್ರ್ಸ್ ಡಿಲೀಮ , ಖೆಳಾ ಮುಕೆಲಿ ಶ್ರೀ ರೈಮಂಡ್ ಡಿಸೋಜ ವೆದಿಚೆರ್ ಆಸ್‍ಲ್ಲೆ.

ಕಾರ್ಯಕ್ರಮಾಚೊ ಅಧ್ಯಕ್ಷ್  ಭೊ| ಮಾ | ಸಿಪ್ರಿಯನ್ ಪಿಂಟೊ ಬಾಪಾಂನಿ ಅಪ್ಲೊ ಸಂದೇಶ್ ದೀವ್ನ್ ಪಂದ್ಯಾಟ್ ಅಯೋಜನ್ ಕೆಲ್ಲ್ಯಾ ಸಿ ಎಲ್ ಸಿ ಸಮುದಾಯೆಚೊ ಉಪ್ಕಾರ್ ಭಾವುಡ್ನ್ ಭಾಗ್ ಘೆತ್‍ಲ್ಲ್ಯಾ ಸರ್ವ್ ವಾಡ್ಯಾಗಾರಾಂಕ್ ಬರೆಂ ಮಾಗ್ಲೆಂ . ತಶೆಂಚ್ ವಿಜೇತ್ ಜಾಲ್ಲ್ಯಾ ಸರ್ವ್ ಪಂಗ್ಡಾಂಕ್ ಶಾಭಾಸ್ಕಿ ಪಾಟಯ್ಲಿ. ಪಯ್ಲೆಂ ಸ್ಥಾನ್ , ದುಸ್ರೆಂ ಸ್ಥಾನ್ , ತಿಸ್ರೆಂ ಸ್ಥಾನ್ ತಶೆಂಚ್ ಶಿಸ್ತೆಚಾ ಪಂಗ್ಡಾಕ್ ಫಲಕ್ ಆನಿ ನಗದ್ ಬಹುಮಾನ ವಾಂಟ್ಲಿ . ಸಮುದಾಯೆಚೊ ಜುಬ್ಲೆವ್ ಸಮಿತಿಚೊ ಸಂಚಾಲಕ್ ಶ್ರೀ ಮೆಲ್ವಿನ್ ಸಿ ಡಿಸೋಜಾನ್ ವಿಜೇತಾಂಚಿ ನಾಂವಾಂ ವಾಚ್ಲಿ. ಲಗೋರಿ ಪಂದ್ಯಾಟಾಕ್ ಆರ್ಥಿಕ್ ಆನಿ ಇತರ್ ರಿತಿನಿ ಸಹಕಾರ್ ದಿಲ್ಲ್ಯಾ ಸರ್ವಾಂಕ್ ಉಗ್ಡಾಸಾಚಿ ಕಾಣಿಕ್ ದೀವ್ನ್ ಗೌರವ್ ಪಾಟಯ್ಲೊ. ಕಾರ್ಯದರ್ಶಿ ಶ್ರೀ ಚಾಲ್ರ್ಸ್ ಡಿಲೀಮಾನ್ ಧನ್ಯವಾದ್ ಪಾಟವ್ನ್ ಸಗ್ಳೆಂ ಕಾರ್ಯೆಂ ಸಮುದಾಯೆಚೊ ಸಾಂದೊ ಶ್ರೀ ರಾಯಾನ್ ಡಿಸೋಜಾನ್ ನಿರ್ವಹಿಸಿಲೆ.