ಸಾಂ. ಸೆಬೆಸ್ತ್ಯಾಂವ್ ಫಿರ್ಗಜ್, ಪೆರ್ಮನ್ನೂರ್

ಕ್ರೀಸ್ತಿ ಜಿಣಿಯೆ ಸಮುದಾಯ್ (ಸಿ. ಎಲ್. ಸಿ)

ಭಾಂಗ್ರಾಳೋತ್ಸವ್ ಸಂಭ್ರಮ್

Feb 01, 2026 :    ತಾರೀಕ್ 01-02-2026 ವೆರ್ ಸಕಾಳಿಂ 7:30 ವರಾರ್ ಮಂಗ್ಳುರ್ ದಿಯೆಸೆಜಿಚೊ ವಿಗಾರ್ ಜೆರಾಲ್ ಮೊ| ಮ್ಯಾಕ್ಷಿಮ್ ನೊರೊನ್ಹಾ ಬಾಪಾಂನಿ ಅರ್ಗಾಂ ಬಲಿದಾನ್ ಭೆಟೊವ್ನ್ ಉಪ್ರಾಂತ್ ಸಾಂ. ಸೆಬೆಸ್ತ್ಯಾಂವ್ ಸಾಲಾಂತ್ ಆಸಾ ಕೆಲ್ಲ್ಯಾ ಸಭಾ ಕಾರ್ಯಚೆಂ ಅಧ್ಯಕ್ಷ್ ಸ್ಥಾನ್ ಘೆವ್ನ್ ಭಾವಾರ್ಥ್ ವಾಡೊಂಕ್ ವಾವ್ರ್ ಆನಿ ಪ್ರಯತನ್ ಕರುಂಕ್ ಉಲೊ ದಿಲೊ. ವೇದಿಚೆರ್ ಫಿರ್ಗಜ್ ವಿಗಾರ್, ಸಹಾಯಕ್ ವಿಗಾರ್, ಗೊವ್ಳಿಕ್ ಪರಿಷದ್ ಆನಿ ಸಿ.ಎಲ್.ಸಿ ಸಮುದಾಯೆಚೆ ಹುದ್ದೆದಾರ್, ಸ್ಥಾಪಕ್ ಅಧ್ಯಕ್ಷ್ ಹಾಜರ್ ಆಸ್‌ಲ್ಲೆ. ವಿಗಾರ್ ಜೆರಾಲ್ ಬಾಪಾಂನಿ ಸಿ.ಎಲ್.ಸಿ ಸ್ಥಾಪಕ್ ಅಧ್ಯಕ್ಷ್, ಸ್ಥಾಪಕ್ ಸಾಂದೆ, ಸರ್ವ್ ಸಾಂದ್ಯಾoಕ್, ಶ್ರೀ ಪ್ರವೀಣ್ ಡಿಸೋಜ ಆನಿ ಶ್ರೀ ರಿಚ್ಚಾರ್ಡ್ ಡಿಸೋಜ ಹಾಣಿ ಭಾಂಗ್ರಾಳೋತ್ಸವ್ ಕಾರ್ಯಕ್ ವಿಶೇಸ್ ವಾವ್ರ್ ಕಾಡ್ಲ್ಯಾಕ್ ಉಡಾಸಾಚಿ ಕಾಣಿಕ್ ದೀವ್ನ್ ಮಾನ್ ಕೆಲೊ. ಸ್ಥಾಪಕ್ ಅಧ್ಯಕ್ಷ್ ಶ್ರೀ ಮೌರಿಸ್ ಮೊಂತೇರೊ ಪ್ರಸ್ತಾವನ್ ಕರ‍್ನ್, ಶ್ರೀ ಚಾರ್ಲ್ಸ್ ಡಿಲೀಮಾನ್ ಉಪ್ಕಾರ್ ಬಾವುಡ್ಲೊ.

ಸಾಂಜೆಚಾ 6:30 ವರಾರ್ ಫಿರ್ಗಜ್ ಆವರಣಾಚಾ ಉಗ್ತ್ಯಾ ವೇದಿಚೆರ್ ಆಸಾ ಕೆಲ್ಲ್ಯಾ ಸಭಾ ಕಾರ್ಯಕ್ರಮಾಂತ್ ದಿರೆಕ್ತೊರ್, ಫಿರ್ಗಜ್ ವಿಗಾರ್, ಸಾಂ. ಜುಜೆ ವಾರಾಡ್ಯಾಚೊ ವಿಗಾರ್‌ವಾರ್ ಭೊ| ಮಾ| ಸಿಪ್ರಿಯನ್ ಪಿಂಟೊ ಬಾಪಾಂನಿ ಅಧ್ಯಕ್ಷ್ ಸ್ಥಾನ್ ಸೊಭವ್ನ್ ಕಾರ್ಯಕ್ರಮ್ ಉದ್ಗಾಟನ್ ಕರ‍್ನ್ ನಾಟಕಿಸ್ತ್ ‘ತೆಲಿಕೆದ ಬೊಳ್ಳಿ’ ಶ್ರೀ ದೇವದಾಸ್ ಕಾಪಿಕಾಡ್ ಹಾಕಾ ಮಾನ್ ಕರ‍್ನ್ ಉಗ್ಡಾಸಾಚಿ ಕಾಣಿಕ್ ದೀವ್ನ್ ಆಪ್ಲೊ ಸಂದೇಶ್ ಪಾಠವ್ನ್ ಆಪ್ಲಿ ಭೊಗ್ಣಾ ಉಚರ‍್ನ್ ಫಿರ್ಗಜೆಂತ್ ಮಾಲ್ಗಡ್ಯಾಂಚೊ ದೀಸ್, ಯಾತ್ರಿಕ್ ಪಯ್ಣ್ ಅಸಲಿಂ ಆಮ್ಚ್ಯಾ ಸಮಾಜೆಕ್ ಉಪ್ಕಾರಾಕ್ ಪಡ್ಚಿಂ ಕಾಮಾಂ ಆನಿ ಸಮುದಾಯೆನ್ ಫಿರ್ಗಜೆಂತ್ ರ‍್ಚಿ ಬರಿಂ ಕಾಮಾಂ ಉಚರ‍್ನ್ ಬರೆಂ ಮಾಗ್ಲೆ.

ಶಿಕ್ಷಣ್, ಭಲಾಯ್ಕಿ, ಎಕ್ವಟ್ ತಶೆಂಚ್ ಅಧ್ಯಾತ್ಮಿಕ್ ವಾಡಾವಾಳಿಕ್ ಮಹತ್ವ್ ದಿಂವ್ಚೊ ಹೊ ಸಮುದಾಯ್ ವಾಡೊಂದಿ, ಪ್ರಜಳುಂದಿ, ಆಜ್ ಉದ್ಗಾಟನ್ ಕೆಲ್ಲಿ ಭಲಾಯ್ಕಿ ನಿಧಿ ದುಬ್ಳ್ಯಾ ಪಿಡೆಸ್ತಾಂಕ್, ಗರ್ಜೆವಂತಾoಕ್ ನವೊ ಜೀವ್ ದೀಂವ್ಕ್ ಸಹಾಯ್ ಜಾಂವ್ದಿ ಮ್ಹಣಾಲೊ ಭಲಾಯ್ಕಿ ನಿಧಿ ಉದ್ಗಾಟನ್ ಕರ‍್ನ್, ಸಮುದಾಯೆಚೊ ಆದ್ಲೊ ದಿರೊಕ್ತೊರ್, ಪ್ರಸ್ತುತ್ ಉಡುಪಿ, ಕುಂತಾಲ್ ನಗರ್ ಸಾಂ ಅಂತೊನ್ ಫಿರ್ಗಜೆಚೊ ವಿಗಾರ್ ಭೊ| ಮಾ| ಸ್ಟ್ಯಾನಿ ಬಿ. ಲೋಬೊ ಬಾಪ್.

ಭಾಂಗ್ರಾಳೋತ್ಸವಾಚೊ ಸ್ಮಾರಕ್ ಪುಸ್ತಕ್ “ಭಾಂಗ್ರಾಳೊ ಕುರೊವ್” ಭೊ| ಮಾ| ಆ್ಯಂಡ್ರು ಡಿಸೋಜ, ಫಿರ್ಗಜ್ ವಿಗಾರ್, ಸಾಂ. ಜುಜೆ ಫಿರ್ಗಜ್, ಬಜ್ಪೆ ಹಾಣಿಂ ಮೊಕ್ಳಿಕ್ ಕರ‍್ನ್ ಸಂದೇಶ್ ದೀವ್ನ್ ಆನಿ ಪನ್ನಾಸ್ ವರ್ಸಾಂ ಸೆವಾ ದಿಲ್ಲ್ಯಾ ಹ್ಯಾ ಸಿ.ಎಲ್.ಸಿ. ಚಾ ಸ್ಥಾಪಕ್ ಅಧ್ಯಕ್ಷ್, ಸ್ಥಾಪಕ್ ಸಾಂದ್ಯಾಕ್, ಹುದ್ದೆದಾರ್ ಆನಿ ಸರ್ವ್ ಸಾಂದ್ಯಾoಕ್ ಉಲ್ಲಾಸ್ ಪಾಟವ್ನ್ ಮ್ಹಣಾಲೆ, ಪನ್ನಾಸ್ ವರ್ಸಾ ಆದಿ ಧೈರಾದಿಕ್ ಇಕ್ರಾ ಜಣ್ ಯುವಕಾಂನಿ ಸ್ವಪ್ಣಲ್ಲೆಂ ಸ್ವಪಣ್ ಆಜ್ ಜಾರಿ ಜಾಲಾ ಜಾಲ್ಯಾರ್, ಸ್ಥಾಪಕ್ ಸಾಂದ್ಯಾoಚೊ ಆನಿ ಆತಾಂಚಾ ಸರ್ವ್ ಸಾಂದ್ಯಾoಚೊ ತ್ಯಾಗ್, ಸಾಕ್ರಿಫಿಸ್ ಆನಿ ಬರೆಂ ಮನ್ ಆಟಾಪುನ್ ಆಸಾ.

ಸಿ.ಎಲ್.ಸಿ. ಚೊ ಕೇಂದ್ರಿಯ್ ಅಧ್ಯಕ್ಷ್ ಶ್ರೀ ಲಿಸ್ಟನ್ ಡಿಸೋಜ, ಬಜಾಲ್ ಆಮ್ಚೆ ದಿಯೆಸೆಜಿಂತ್ ಸಿ.ಎಲ್.ಸಿ. ಪೆರ್ಮನ್ನೂರ್, ದೆಖಿಬರಿತ್ ಸಮುದಾಯ್ ಜಾವ್ನಾಸಾ, ಹಾಂಚಿ ಸೆವಾ ಫಿರ್ಗಜೆಂತ್ ಆನಿ ಪವಿತ್ರ್ ಸಭೆಂತ್ ಆನಿಕಿ ವಾಡೊಂದಿ ಮ್ಹಣಾಲೊ ಆನಿ ಸಿ.ಎಲ್.ಸಿ. ರು. 25,000/- ಆನಿ ಚಡಿತ್ ದಾನ್ ದಿಲ್ಲ್ಯಾಕ್ ಮಾನ್ ಕೆಲೊ.

ಫಿರ್ಗಜ್ ಸಹಾಯಕ್ ವಿಗಾರ್ ಮಾನಾಧಿಕ್ ಮೆಲ್ವಿನ್ ಡಿಸೋಜ, ಗೊವ್ಳಿಕ್ ಪರಿಷದೆಚೊ ಉಪಾಧ್ಯಕ್ಷ್ ಶ್ರೀ ಅರುಣ್ ಡಿಸೋಜ, ಕಾರ್ಯದರ್ಶಿ ಶ್ರೀಮತಿ ಜ್ಯೋತಿ ಡಿಸೋಜ, ಅಯೋಗಾಂಚೊ ಸಂಯೋಜಕ್ ಶ್ರೀ ಡೊಲ್ಫಿ ಡಿಸೋಜ, ಸ್ಥಾಪಕ್ ಅಧ್ಯಕ್ಷ್ ಶ್ರೀ ಮೌರಿಸ್ ಮೊಂತೇರೊ, ಸ್ಥಾಪಕ್ ಸಾಂದೊ ಶ್ರೀ ರಿಚಾರ್ಡ್ ಡಿಸೋಜ, ಸಿ.ಎಲ್.ಸಿ. ಅಧ್ಯಕ್ಷ್ ಶ್ರೀ ಜೋಸೆಫ್ ಡಿಸೋಜ, ಜುಬ್ಲೆವ್ ಸಂಚಾಲಕ್ ಶ್ರೀ ಮೆಲ್ವಿನ್ ಸಿ. ಡಿಸೋಜ, ಕಾರ್ಯದರ್ಶಿ ಶ್ರೀ ಚಾರ್ಲ್ಸ್ ಡಿಲೀಮಾ, ಖಜನ್ದಾರ್ ಶ್ರೀ ಸುನೀಲ್ ವೇಗಸ್ ವೇದಿಚೆರ್ ಹಾಜರ್ ಆಸ್‌ಲ್ಲೆ.

ಶ್ರೀ ಜೋಸೆಫ್ ಡಿಸೋಜಾನ್ ಸ್ವಾಗತ್ ಕರುನ್, ಶ್ರೀ ಮೆಲ್ವಿನ್ ಸಿ. ಡಿಸೋಜಾನ್ ಪ್ರಸ್ತಾವನ್ ಕೆಲೆ ಆನಿ ಶ್ರೀ ಚಾರ್ಲ್ಸ್ ಡಿಲೀಮಾನ್ ಪನ್ನಾಸ್ ವರ್ಸಾಂಚಿ ಝಳಕ್ ಸಭೆರ್ ದರ‍್ಲಿ ಆನಿ ಅಖ್ರೇಕ್ ಧನ್ಯಾವದ್ ಪಾಟಯ್ಲೆ. ಸಾಂದೊ ಶ್ರೀ ರಾಯಾನ್ ಡಿಸೋಜ ಆನಿ ಶ್ರೀ ಹೆರಾಲ್ಡ್ ಸೆರಾನ್ ಕಾರ್ಯಕ್ರಮ್ ನಿರ್ವಹಿಸಿಲೆ.

ಕಾರ್ಯಕ್ರಮಾಚಾ ಅಖ್ರೇಕ್ ದೇವದಾಸ್ ಕಾಫಿಕಾಡಾನ್ ಬರೊವ್ನ್ ದಿಗ್ದರ್ಶನ್ ಕೆಲ್ಲೊ ನಾಟಕ್ ‘ಎನ್ನನೇ ಕಥೆ’ ಪ್ರದರ್ಶಿತ್ ಜಾಲೊ. ಸಕಾಳಿಂಚಾ ಕಾರ್ಯಕ್ರಮಾಂಕ್ ಕಾಫಿ ಫಲಹಾರ್ ಆನಿ ಸಾಂಜೆಚಾ ಕಾರ್ಯಕ್ರಮಾಂಕ್ ಸರ್ವಾಂಕ್ ಚಿಕನ್ ರೋಲ್ ಆನಿ ಥಂಡ್ ಪೀವನ್ ಒದಗ್ಸಿಲ್ಲೆಂ.