ಪೆರ್ಮನ್ನೂರಾಂತ್ ರಗ್ತಾ ದಾನ್ ಶಿಬಿರ್ - 2025

‎

‎ದಿ. 17-8-2025 :  ಪೆರ್ಮನ್ನೂರಾಂತ್ ರಗ್ತಾ ದಾನ್ ಶಿಬಿರ್ ಕಥೊಲಿಕ್ ಸಭಾ ಮಂಗ್ಳುರ್ ಪ್ರದೇಶ್ (ರಿ)ಮಂಗ್ಳುರ್ ದಕ್ಶಿಣ್ ವಾರಾಡೊ ಅನಿ ಪೆರ್ಮನ್ನೂರ್ ಘಟಕ್, ಎಸ್. ಎಸ್.ವಿ.ಪಿ ಯುವ  ಘಟಕ್,   ಲಯನ್ಸ್ ಅನಿ ಲಿಯೊ ಕ್ಲಬ್ ಪೆರ್ಮನ್ನೂರ್ ಹಾಂಚ್ಯಾ ಜೋಡ್ ಅಶ್ರಯಖಾಲ್  ಫಾದರ್  ಮುಲ್ಲರ್ಸ್ ಆಸ್ಷತ್ರ್ ಹಾಂಚ್ಯಾ ಸಹಕರನ್  ಚಲ್ಲೆಂ.  ಎಸ್.ಎಸ್.ವಿ. ಪಿ ಚಾ ಸಾಂದ್ಯಾನಿ ಪ್ರಾರ್ಥನ್ ಗೀತ್ ಗಾವ್ನ್, ಕಥೊಲಿಕ್ ಸಭಾ ವಾರಾಡೊ ಕಾರ್ಯದರ್ಶಿ ಶ್ರೀಮತಿ ಟ್ರೆಸ್ಸಿ ರೊಡ್ರಿಗಸ್ ಹಿಣೆಂ ಸ್ವಾಗತ್ ಕರ್ನ್ , 

ಕಾರ್ಯಕ್ರಮಚೆಂ ಅದ್ಯಕ್ಷ್ ಸ್ಥಾನ್ ಸಾಂ ಜುಜೆ ವಾಜ್ ಮಂಗ್ಳುರ್ ದಕ್ಶಿಣ್‌ ವಿಗಾರ್ ವಾರ್ ತಶೆಂಚ್  ಆತ್ಮೀಕ್ ನಿರ್ದೇಶಕ್ ಬಾಪ್ ಭೊ. ಮಾ. ಸಿಪ್ರಿಯನ್ ಪಿಂಟೊ ಬಾಪಾನಿಂ ಘೆವ್ನ್ ಉದ್ಘಾಟನ್ ಕರುನ್ ಸಂದೇಶ್ ದಿಲೊ.  ಫಾ. ಮುಲ್ಲರ್ಸ್ ಆಸ್ಪತ್ರೆಚೊ ಬ್ಲಡ್ ಬ್ಯಾಂಕ್  ಅಧಿಕಾರಿ ಡಾ. ಅಭಯ್ ನಾಯಕ್ ರಗ್ತಾ ದಾನಾ ವಿಷ್ಯಾಂತ್ ಮಾಹೆತ್ ದಿಲಿ. ಪೆರ್ಮನ್ನೂರ್ ಘಟಕ್ ಅದ್ಯಕ್ಷ್ ಮೆಲ್ವಿನ್ ಸಿ ಡಿಸೋಜಾನ್ ಧನ್ಯವಾದ್ ದಿಲೆಂ.

ವೇದಿಚೆರ್ ಕಥೊಲಿಕ್ ಸಭಾ ಮಂಗ್ಳುರ್ ದಕ್ಶಿಣ್ ವಾರಾಡೊ ಅದ್ಯಕ್ಷ್ ಶ್ರಿ ಡೊಲ್ಫಿ  ಡಿಸೋಜಾ,  ಎಸ್.ಎಸ್.ವಿ.ಪಿ.ಪೆರ್ಮನ್ನೂರ್ ಘಟಕಾಚೊ ಅದ್ಯಕ್ಷ್ ಶ್ರಿ ವಿಶಾರ್ಟ್ ಡೆಸಾ, ಲಯನ್ಸ್ ಕ್ಲಬ್ ಪೆರ್ಮನ್ನೂರ್ ಘಟಕಾಚಿ ಅದ್ಯಕ್ಶಿಣ್ ಲಯನ್  ಸಿಸಿಲಿಯಾ ಮೊಂತೇರೊ, ಪೆರ್ಮನ್ನೂರ್ ಫಿರ್ಗಜ್ ಗೊವ್ಳಿಕ್ ಪರಿಷದ್ ಉಪಾಧ್ಯಕ್ಷ್ ಶ್ರಿ ಅರುಣ್ ಡಿಸೋಜಾ ಹಾಜರ್ ಅಸ್ಲೆ. 59 ಜಣಾನಿ ರಗತ್ ದಾನ್ ದಿಲೆಂ. ಸಗ್ಳೆಂ ಕಾರ್ಯೆಂ ಕು. ರೀಶಲ್ ಡಿಸೋಜಾನ್ ನಿರ್ವಾಹಣ್ ಕೆಲೆಂ.