ಸಾಂ. ಸೆಬೆಸ್ತ್ಯಾಂವ್‌ ಫಿರ್ಗಜ್‌, ಪೆರ್ಮನ್ನೂರು
ಭಲಾಯ್ಕೆ ಮಾಯ್‌ ವಾಡೊ
ವಾಡ್ಯಾಚೆಂ ಫೆಸ್ತ್ 2026 – ಏಕ್ವಟ್‌ ಆನಿ ಭಾವ್ ಬಂಧ್ಪಣಾಚೊ ಉತ್ಸವ್
18 ಅಕ್ಟೋಬರ್ 2026 ದಿಸಾ ಆಮ್ಚ್ಯಾ ಭಲಾಯ್ಕೆ ಮಾಯ್‌ ವಾಡ್ಯಾಚೆಂ ಫೆಸ್ತ್ ಭಕ್ತಿಪಣಾನ್, ಆನಂದಾನ್ ಆನಿ ಏಕ್ವಟಾಚ್ಯಾ ವಾತಾವರಣಾಂತ್ ಆಚರ‍್ಲೊ. ಆಮ್ಚ್ಯಾ ಭಲಾಯ್ಕೆ ಮಾಯೆಕ್ ಮಾನ್ ದಿವ್ಚ್ಯಾ ಖಾತಿರ್ ಆನಿ ವಾಡ್ಯಾಂತ್ ಏಕ್ವಟ್‌ ಆನಿ ಭಾವ್ ಬಂಧ್ಪಣ್ ವಾಡೊಂವ್ಚ್ಯಾ ಖಾತಿರ್ ವಾಡ್ಯಾಚೆಂ ಸರ್ವ್‌ ಸದೆಂ ಏಕ್ಟಯ್ ಜಾಲೆ.
ಪವಿತ್ರ್ ಮಿಸಾಚೆಂ ಬಲಿದಾನ್
ಸಕಾಳಿಂ 7:30 ವರಾರ್ ಪವಿತ್ರ್ ಮಿಸಾಚೆಂ ಬಲಿದಾನ್ ಮಾ| ಬಾ| ಜಗದೀಶ್ ಪಿಂಟೊ ಹಾಂಣಿ ಭೆಟಯ್ಲೆಂ. ವಾಸ್ಪಾಂ ವಾಸುನ್ ಆನಿ ವಾಡ್ಯಾಚ್ಯಾ ತರ್ಪೆನ್‌ ಸಬಾರ್‌ ಕಾಣಿಕ್‌ ಅರ್ಪಣ್‌ ಕರ‍್ನ್‌ ಬೋವ್‌ ವರ್ತ್ಯಾ ರೀತಿನ್‌ ಲಿತುರ್ಜಿಂತ್‌ ಭಾಗ್ ಘೆತ್ಲೆಂ.
ಖೆಳ್ ಆನಿ ಮನೋರಂಜನಾತ್ಮಕ್ ಕಾರ್ಯಕ್ರಮ್
ಸಂಜೆರ್ 4:30 ವರಾರ್ ವಾಡ್ಯಾಂತ್ಲ್ಯಾ ಸರ್ವ್‌ ಭುರ್ಗ್ಯಾಂಕ್‌, ಯುವಾಜಣಾಂಕ್‌, ದಾದ್ಲ್ಯಾಂಕ್‌, ಸ್ತ್ರಿಯಾಂಕ್‌ ಆನಿ ಮಾಲ್ಗಡ್ಯಾಂಕ್‌ ವಿವಿಧ್ ಖೆಳ್ ಆಯೋಜಿತ್ ಕೆಲೆಂ. ಸರ್ವ್‌ ವಾಡ್ಯಾಗಾರಾನಿಂ ಭೋವ್‌ ಸಂತೊಸಾನ್‌, ಉತ್ಸಾಹಾನ್ ಭಾಗ್ ಘೆತ್ಲೆಂ.
ಅಧಿಕೃತ್ ಆನಿ ಸಾಂಸ್ಕೃತಿಕ್ ಕಾರ್ಯಕ್ರಮ್
ಸಂಜೆರ್ 7:30 ವರಾಂಚೆರ್ ಅಧಿಕೃತ್ ಆನಿ ಸಾಂಸ್ಕೃತಿಕ್ ಕಾರ್ಯಕ್ರಮ್ ಪ್ರಾರಂಭ್ ಜಾಲೆಂ. ಹ್ಯಾ ಕಾರ್ಯಕ್ರಮಾಕ್ ಮಾನಚೆಂ ಸರ್ಯೆಂ ಜಾವ್ನ್‌ ಬೊ| ಮಾ| ಬಾ| ಆಂಡ್ರ್ಯೂ ಲಿಯೋ ಡಿಸೋಜ, ಮಾ| ಬಾ| ಮೆಲ್ವಿನ್ ಡಿಸೋಜ, ಮಾ| ಬಾ| ಜಗದೀಶ್ ಪಿಂಟೊ,ಸಿಸ್ಟರ್ ಜ್ಯೋತಿಕಾ, ಸಿಸ್ಟರ್ ಸಿಲ್ವಿಯಾ,ಶ್ರೀಮಣ್ ಅರುಣ್ ಡಿಸೋಜ, ಶ್ರೀಮತಿ ಜ್ಯೋತಿ ಡಿಸೋಜ, ಶ್ರೀಮಣ್ ಡಾಲ್ಫಿ ಡಿಸೋಜ, ಶ್ರೀಮತಿ ಲಿಡ್ವಿನ್ ವೇಗಾಸ್ ಆನಿ ಶ್ರೀಮತಿ ವೀಣಾ ಡಿಸೋಜ ಹಾಜರ್ ಆಸ್ಲೆ.
ಕಾರ್ಯಕ್ರಮಾಚ್ಯಾ ಸುರುವೆರ್‌ ಭಲಾಯ್ಕೆ ಮಾಯೆಕ್ ಮಾನ್ ಕರ‍್ನ್‌, ಫುಲಾಂ ಅರ್ಪುನ್‌, ಗೀತ್‌ ಗಾವ್ನ್‌, ಮಾಗ್ಣೆಂ ಆನಿ ಬಾ| ಜಗದೀಶ್ ಪಿಂಟೊ ಹಾಂಚ್ಯಾ ಥಾವ್ನ್‌ ಮೊಟ್ವೊ ನಿಯಾಳ್‌ ಆಶೆಂ ಭಕ್ತಿಪಣಾನ್ ವಾಂಟೊ ಘೆತ್ಲೊ.
ಕಾರ್ಯಕ್ರಮಾಚೆಂ ನಿರೂಪಕ್‌ ಜಾವ್ನ್‌ ಕುಮಾರ್ ಫ್ರೆಶ್ವಿನ್ ಡಿಸೋಜ ಹಾಂಣಿ ಕಾರ್ಯಕ್ರಮ್ ಚಲವ್ನ್‌ ವೆಲೆಂ.ವಾಡ್ಯಾಚಿಂ ಗುರ್ಕಾರ್ನ್ ಶ್ರೀಮತಿ ಪ್ರೆಸಿಲ್ಲಾ ಡಿಸೋಜಾ ಹಾಂಣಿ ಹಾಜರ್ ಆಸಲ್ಲ್ಯಾ ಸರ್ವ್‌ ಮಾನಾಚ್ಯಾ ಸರ್ಯ್ಯಾಂಕ್‌ ಸ್ವಾಗತ್‌ ಕೆಲೆಂ.
ಉಪ್ರಾಂತ್ ಶ್ರೀಮತಿ ವೀಣಾ ಡಿಸೋಜ ಹಾಂಣಿಂ ಭಲಾಯ್ಕೆ ಮಾಯೆಚಿ ಇತಿಹಾಸ್ ಸಾದರ್ ಕೆಲೆಂ. ಹ್ಯಾ ಉಪ್ರಾಂತ್ ಕುಮಾರಿ ಲೆನಿಶಾ ಡಿಸೋಜಾ ಹಾಂಣಿಂ ಭಲಾಯ್ಕೆ ಮಾಯೆಚಾ ವಾಡ್ಯಾಚಿಂ ವರ್ಧಿ ವಾಚುನ್ ವಾಡ್ಯಾಂತ್ ಜಾಲ್ಲ್ಯಾ ವಿವಿಧ್ ಕಾಮಾಚಿಂ ಆನಿ ಸಾಧನಾಂಚಿ ಮಾಹೆತ್ ದಿಲಿಂ.
ಹ್ಯಾ ಫೆಸ್ತಾಚ್ಯಾ ಕಾರ್ಯಕ್ರಮಾಂತ್, 30 ವರ್ಸಾ ಥಾವ್ನ್‌ ಸೆವಾ ದಿಲ್ಲ್ಯಾ ಗುರ್ಕಾರಾಂಕ್ ಸನ್ಮಾನ್, ತಶೆಂಚ್ ಧಾವಿ ಆನಿ ಪಿಯುಸಿ ಪರೀಕ್ಷೆಂತ್‌ ಉತ್ತಮ್ ಅಂಕ್‌ ಜೊಡ್ಲ್ಯಾ ವಿದ್ಯಾರ್ಥಿಂಕ್‌ ಮಾನ್ ಆನಿ ವಿಶೇಷ್ ಸಾಧನ್ ಕೆಲ್ಲ್ಯಾ ವ್ಯಕ್ತೀಂಚೊಯ್ ಮಾನ್ ಕೆಲೊ.
ತಶೆಂಚ್ ಖೆಲಾಂತ್ ವೀಜೆತ್‌ ಜಾಲ್ಯಾಂಕ್‌ ಬಹುಮಾನ್‌ ವಿತರಾನ್‌ ಆನಿ ವಾಡ್ಯಾಂತ್ಲ್ಯಾ ಹರ್ಯೆಕ್‌ ಘರಾಕ್‌ ಸ್ಮರಕ್‌ ಜಾವ್ನ್‌ ಉಗ್ಡಾಸಾಚಿ ಕಾಣಿಕ್‌ ದಿಲೆಂ.
ಉಪ್ರಾಂತ್ ವಿಗಾರ್ ಬೊ| ಮಾ| ಬಾ| ಆಂಡ್ರ್ಯೂ ಲಿಯೋ ಡಿಸೋಜ ಥಾವ್ನ್‌ ಸಂದೇಶ್‌ ಅನಿ ತಶೆಂಚ್ ಸಹಾಯಾಕ್‌ ವಿಗಾರ್ ಮಾ| ಬಾ| ಮೆಲ್ವಿನ್ ಡಿಸೋಜ ಹಾಂಚ್ಯಾ ಥಾವ್ನ್‌ ಮೊಟ್ವೊ ಸಂದೇಶ್‌ ಫೆಸ್ತಾಕ್‌ ಉದ್ದೇಶಿಸೊನ್‌ ದಿಲೆಂ.
ಉಪ್ರಾಂತ್ ಸಾಂಸ್ಕೃತಿಕ್ ಕಾರ್ಯಕ್ರಮಾಚೊ ಭಾಗ್ ಜಾವ್ನ್‌ ಭುರ್ಗ್ಯಾನಿಂ, ಯುವಾಜನಾನಿಂ ಆನಿ ದಾದ್ಳ್ಯಾನಿಂ ನಾಚ್‌ ಪ್ರದರ್ಶನ್‌ ಕೆಲೆಂ.
ಉಪ್ರಾಂತ್ ಶ್ರೀಮಣ್ ಪ್ರೇಮ್ ಪ್ರಕಾಶ್ ಡಿಸೋಜ ಹಾಣಿಂ ಆಯ್ಲ್ಯಾ ಸರ್ಯ್ಯಾಂಕ್‌ ಆನಿ ಕುಮಾಕ್‌ ಕೆಲ್ಲ್ಯಾ, ಸಹಕಾರ್ ದಿಲ್ಲ್ಯಾ ಸರ್ವಾಂಕ್‌ ಧನ್ಯವಾದ್‌ ಪಾಟಯ್ಲೆಂ.
ಆಕ್ರೇಕ್‌ ವಾಡ್ಯಾಗಾರಾಂ ಸಾಂಗಾತಾ ಮೆಳೊನ್‌ ಜೆವಣ್‌ ಸೆವ್ಲೆಂ. ಆಶೆಂ ಸರ್ವ್‌ ವಾಡ್ಯಾಗಾರಾನಿಂ ಭೋವ್‌ ಸಂತೊಸಾನ್‌, ಉತ್ಸಾಹಾನ್ ಹ್ಯಾ ಕಾರ್ಯಕ್ರಮಾಂತ್ ಭಾಗ್ ಘೆತ್ಲೆಂ.
